Farm Pond Application Maharashtra : मुख्यमंत्री शाश्वत कृषि सिंचन योजनेंतर्गत सूक्ष्म सिंचनास पूरक अनुदानाबरोबर खालील बाबींना अनुदान मिळते.
- वैयक्तिक शेततळे,
- शेततळयाचे अस्तरीकरण,
- हरित गृह उभारणे
- शेडनेट हाऊस उभारणे
या घटकांकरिता अनुदान वितरीत करण्यात येते.
या योजनेंतर्गत प्रधानमंत्री कृषि सिंचन योजनेंतर्गत राज्यातील अल्प व अत्यल्प भू- धारक शेतकऱ्यांना ५५% आणि
इतर शेतकऱ्यांना (५ हेक्टरच्या मर्यादेत) ४५% अनुदान देण्यात येते.
सदर अनुज्ञेय अनुदानाशिवाय “मुख्यमंत्री शाश्वत कृषि सिंचन योजनेंतर्गत अल्प व अत्यल्प भू-धारक शेतकऱ्यांना २५ % आणि इतर शेतकऱ्यांना ३०% पूरक अनुदान देऊन सूक्ष्म सिंचनासाठी अनुक्रमे ८०% व ७५% एकूण अनुदान देण्यात येते.
मुख्यमंत्री शाश्वत कृषि सिंचन योजनेत वैयक्तिक शेततळे या बाबीचा समावेश करण्यात आलेला आहे.
वित्त विभागाने मुख्यमंत्री शाश्वत कृषि सिंचन योजनेस सन २०२४-२५ या आर्थिक वर्षाकरिता रु. ४००.०० कोटीची अर्थसंकल्पीय तरतूद उपलब्ध करुन दिलेली आहे.
सन २०२४-२५ मध्ये ४००.०० कोटी निधीच्या प्रशासकीय मान्यता देण्यासाठी शासननिर्णय प्रकाशित करण्यात आला आहे.
